Cando se trata de combater o calor, non hai nada mellor que saborear unha proposta gastronómica moi fresca e acompañada dun bo refrixerio para hidratarnos. Nas Bodeguillas de San Lázaro e Santa Marta tomámonos moi en serio a cociña e, hoxe, contámosche todo do que podes desfrutar sen abafar coas altas temperaturas.
Unha proposta que nunca fallará son os embutidos e queixos. Con nós poderás gozar de táboas de embutidos ibéricos e unha selección de queixos galegos, entre outras moitas posibilidades.
Se es dos que lle agrada compartir os pratos para probar sabores diferentes, entón temos elaboracións para abrir boca e compartir que non poderás rexeitar. Recomendámosche as anchoas do Cantábrico de Cupo con pementos asados e AOVE, queixo de Arzúa-Ulloa con anchoas do Cantábrico ou un innegociable como o pan con tomate.
Como non podía ser doutro xeito, nesta época de verán, evitamos as comidas copiosas e tendemos a achegarnos a propostas máis lixeiras. É así que te poderás atopar con diferentes ensaladas que nada lle teñen que envexar a outras creacións. Suxerímosche a ensalada de queixo de cabra con cebola caramelizada, a ensalada de queixos con noces pasas e kiwi, a ensalada de bacallau, gulas, picatostes e tomate confeitado ou a ensalada de tomate Raff, espárrago, ventresca e vinagreta. Unha vez as probes, non deixarás de pedilas!
E, se algo se caracteriza por ser refrescante, é a sobremesa. Coas Bodeguillas atoparás doces como trufas de chocolate, tiramisú con castañas, tarta de chocolate brancho e queixo con coulís de amorodos, browmie de chocolate con noces e xeado de mandarina, cañas do Carballiño recheas de crema pasteleira, coulant de chocolate con xeado de mandarina, torrija con xeado de canela e crema inglesa, flan de toffee con noces, tarta caseira de queixo ao forno ou morte por chocolate con xeado de nata entre outras moitísimas opcións.
Pola contra, se o que queres é desfrutar dunha bebida refrescante, contamos cunha ampla carta. Poderás atopar cervexas especiais, diferentes vermús, augardentes e licores e outros combinados con vodkas, xenebras, ron e tónicas especiais. Iso si, os indispensables que debes coñecer nas Bodeguillas son todos os viños da nosa bodega.
Se queres botarlle unha ollada as diferentes propostas que tes nas nosas Bodeguillas non tes máis que pinchar aquí para Santa Marta e aquí para San Lázaro.
