En Bodeguilla de San Lázaro, tivemos a oportunidade de acoller unha nova cata degustación. Para a ocasión, tivemos con nós a Roberto López, director comercial de Bodegas y Viñedos Pujanza. Chega dende Laguardia, corazón de Rioja Alavesa aos pés de Sierra Cantabria.
Trátase dun lugar onde a altitude comeza a considerarse límite para o cultivo da viña, unha zona que polo clima, o chan e o coñecemento de xeracións e xeracións (5 en concreto) marca a personalidade dos viños de Pujanza. Os seus son viños frescos e sutís, de boa estructura, elegantes e un padal equilibrado e amable.