Recibimos na sala de catas de Bodeguilla de San Lázaro a Nicolás Legido, sumiller certificado e delegado nacional de Adegas Finca Cuarta. Esta adega, ubicada na D.O. Ribeira Sacra -subzona de Amandi- chega dende un territorio de viños de calidade, tradición e moita paciencia.
Nestes viños, as variedades predominantes son a Mencía e a Godello, cun carácter marcado polas condicións climáticas, o chan e a idade das cepas.Todos eles son elaborados coas técnicas máis modernas, que potencian as súas características e delatan as raíces desta paisaxe extrema e da súa condición de Viticultura Heroica.