As Bodeguillas de Santiago de Compostela
Bodeguilla de San Roque

981 564 379 Ver web

Bodeguilla de San Lázaro

981 566 607 Ver web

Bodeguilla de Santa Marta

981 813 520 Ver web

Bodeguilla de San Roque

981 564 379 Ver web

Bodeguilla de San Lázaro

981 566 607 Ver web

Bodeguilla de Santa Marta

981 813 520 Ver web

Os teus restaurantes de confianza en Santiago de Compostela!

Nacidos en 1986, a nosa casa fundouse sobre unha antiga taberna de orixes perdidas no tempo. Estamos comprometidos coa cultura local de Santiago de Compostela posto que é a nosa referencia.

Cremos que a gastronomía é cultura e o traballo directo cos produtores o que nos permite xerar riqueza nas súas áreas, pero non só económica, senón tamén humana. Nestes 30 anos, vimos moitos cambios e sempre quixemos estar neles para crecer e adaptarnos tanto na Bodeguilla de San Roque, como na Bodeguilla de San Lázaro e na Bodeguilla de Santa Marta.

As suxestións do día marcan un pouco a orde da cociña; peixes, carnes e verduras da praza diaria completan a nosa oferta onde os pratos para compartir ao redor dunha mesa e unha botella de viño defínenos. Contamos cunha cociña de elaboración tradicional con produtos de tempada e preparacións moi coidadas con toques vangardistas.

As nosas bodeguillas están en Santiago de Compostela, visítanos!

Últimas novidades nas Bodeguillas

Descubre a nosa carta sen glute

Descubre a nosa carta sen glute

13/01/2020

Sexan máis lixeiras ou máis consistentes, tratamos de que as propostas das cociñas de Las Bodeguillas se adapten ás preferencias de todos vós. Por esta razón, ofrecemos tamén suxestións sen glute que podes descubrir ao completo na nosa carta. 

Neste senso, entre elas poderás atopar entrantes como zamburiñas á geleé de albariño, tixola de cogomelos, gambas e algas, xamón 100% ibérico de bellota, chicharróns gratinados con queixo á feira ou tixola de shitake con langostinos. Figuran tamén propostas para compartir ou pratos consistentes, tales coma atún Yellowfin á grella con patacas panadeiras, bacallao á grella, solombo de porco ibérico con rulo de cabra e cebola confeitada ou presa ibérica con mazá asada e amendoa, entre outras elaboracións. 

Ademais, tamén as nosas sobremesas se adaptan a inxestas sen glute tanto no caso de tortas coma de flans ou xeados. Polo tanto, convidámoste a sentar e gozar da nosa gastronomía!  

Viños de todo o mundo recalan en La Bodeguilla

Viños de todo o mundo recalan en La Bodeguilla

20/12/2019

Despedimos este 2019 con moi bo sabor de boca. Ao longo deste últimos meses, recalaron en La Bodeguilla viños procedentes de todo o mundo. Da man das nosas Tertulias Bodeguilla, achegáronse ata San Lázaro –fundamentalmente- pero tamén ata Santa Marta produtores e distribuidores chegados de múltiples orixes.


Por suposto, estiveron presentes os caldos das viñas galegas pero tamén variedades que medran nos campos de Nova Zelanda ou California, por pór algún caso. Nestes certames, ademais de contar asiduamente co respaldo dos participantes, tivemos ocasión de maridar distintas elaboracións, saídas das cociñas de La Bodeguilla.  E, por suposto, de adicar tempo ás nosas paixóns: a gastronomía e a cultura vitivinícola.


Agora, xa entrados no mes de decembro e coas festas moi preto, queremos unha vez máis darvos as grazas. Bo Nadal e inmellorable 2020!

Despedimos o ano cunha cata solidaria a favor dos máis pequenos

Despedimos o ano cunha cata solidaria a favor dos máis pequenos

Na nosa última actividade do ano, acollemos unha Cata Solidaria, a favor de Asanog, a Asociación de Ayuda a Niños Oncológicos de Galicia. Aportamos o noso graniño de solidariedade con esta actividade na que un curso de cata e corte de xamón xunto cun taller de cata e definición de espumosos foron os protagonistas.

Tertulias Bodeguilla con Alma das Donas

Tertulias Bodeguilla con Alma das Donas

Voltaron as Tertulias Bodeguilla a San Lázaro grazas a Alma das Donas, que chega dende a Ribeira Sacra. Roberto Flammini e Lara Santos son os encargados de mostrarnos os seus viños: Almalarga, Almanova, Almalola, Almalarga barrica, Alma Once e Alma Madre. Godellos e mencías da Ribeira Sacra. 

Alma das Donas ten os seus viñedos nas ladeiras do río Sil onde o concepto de Viticultura Heroica fai que sexan viños con personalidade propia. Conseguen a maior calidade na orixe para obter un viño de alta expresión. Así son estes viños tan especiais.

Tertulias Bodeguilla con... Vicente Almodóvar & Bodegas Muga

Tertulias Bodeguilla con... Vicente Almodóvar & Bodegas Muga

As nosas Tertulias Bodeguilla trasladáronse nesta ocasión ata a Bodeguilla de Santa Marta para celebrar unha cata didáctica con cea grazas a Bodegas Muga e Vicente Almodóvar. Comezamos cuns mexillóns en salsa verde ao aroma de cava acompañados con Cava Conde de Hari, brut vintage. Pola súa banda, un Muga Crianza 2016 acompañou a un timbal de tomate da horta con láminas de bacallau e salsa tártara. Finalmente, arroz negro, polo de corral e ragout de xabarín foron os pratos principais acompañados de caldos coma Muga Reserva Selección Especial 205, Prado Enea Gran Reserva 2011 e Torre Muga 2016.

Empanadilla de outono, montadiño de solombo e filloa rechea de rabo de tenreira para este Santiago(é)Tapas

Empanadilla de outono, montadiño de solombo e filloa rechea de rabo de tenreira para este Santiago(é)Tapas

18/11/2019

Santiago(é)Tapas chega á súa edición número doce coa intención de superar as rondas de tapas dos últimos anos. O nivel está tan alto coma a ilusión que supón, para a hostelería da cidade, volver presentar o seu saber facer en pequenos bocados. Dende La Bodeguilla imos tentarte cunha empanadilla, un montadiño e unha filloa rechea.

Presentámosche as nosas suxestións! Dende Bodeguilla San Lázaro optamos por unha tapa de corte tradicional: empanadilla galega de lacón con grelos e queixo San Simón en prebe de froitos vermellos e castañas. Moi de outono e moi da terra. Agardámoste na (é)TAPA 8 CAMIÑO DE INVERNO.

De carácter creativo, a tapa de San Roque presenta un solombo de porco con puré de castaña, queixo de Arzúa Ulloa e sésamo torrado sobre cama de patacas. Neste caso, agardámoste na (é)TAPA 6 CAMIÑO INGLÉS.

E finalmente, tamén na categoría creativa, das cociñas de Santa Marta saen estes días filloas recheas de rabo de tenreira con bechamel de castañas ao aroma de anises, unha proposta que atoparás na (é)TAPA 1 CAMIÑO PORTUGUÉS.

En definitiva, xunto con grandes amigos e compañeiros, ata o próximo un de decembro a capital galega convértese con este Santiago(é)Tapas –organizado pola Asociación Hostalaría Compostela- nun percorrido pola gastronomía máis propia. Teremos que esperar, iso si, á gran final dos días 6, 7 e 8 de decembro para coñecer o resultado pero xa vos adiantamos que, para nós, participar é gañar! Agardámoste!

Queres reservar mesa na Bodeguilla de San Roque?

  • Dirección: San Roque, 13 - Santiago de Compostela
  • Teléfono: 981 564 379
  • Horario: luns a venres de 9:00 a 00:30 h. Sábados, domingos e festivos de 10:00 a 16:00 h. e de 19:00 a 00:30 h.
  • Ico Just Eat
  • Ico Instagram
  • Ico Twitter
  • Ico Facebook
  • Google Plus
  • Ico Minube
  • Ico Tripadvisor
  • Ico Youtube
  • Ico Páxinas

Queres reservar mesa na Bodeguilla de San Lázaro?

  • Dirección: San Lázaro, 104 - Santiago de Compostela
  • Teléfono: 981 566 607
  • Horario: luns a sábado de 9:00 a 00:30 h.
    Domingo de 10:30 a 16:00h.
  • Ico Just Eat
  • Ico Instagram
  • Ico Twitter
  • Ico Facebook
  • Google Plus
  • Ico Minube
  • Ico Tripadvisor
  • Ico Youtube
  • Ico Páxinas

Queres reservar mesa na Bodeguilla de Santa Marta?

  • Dirección: Avda. da Liberdade, 11 - Santiago de Compostela
  • Teléfono: 981 813 520
  • Horario: luns a sábado de 9:00 a 00:30 h.
    Domingo de 10:30 a 16:00 h.
  • Ico Just Eat
  • Ico Instagram
  • Ico Twitter
  • Ico Facebook
  • Google Plus
  • Ico Minube
  • Ico Tripadvisor
  • Ico Youtube
  • Ico Páxinas

Pratos tradicionais con toques vangardistas

Cociña galega con produtos de tempada

Sigue as nosas novidades en Facebook