No recuncho gastronómica que é este blog das Bodeguillas de San Lázaro e Santa Marta non puidemos resistirnos a explorar os sabores e os aromas da estación que estamos atravesando. O outono é unha época fermosa, corida con tons ocres da que non podemos desaproveitar todos os ingredientes de temporada e inspiración culinaria que nos ofrece. Por iso, é necesario facer un breve resumo de todas as deliciosas receitas que preparamos cos mellores ingredientes e materias primas características desta tempada.
O outono de San Lázaro
Esta tempada caracterizase por eses pratos que nos fan encher a barriga e quecer o corazón. Por iso, algúns indispensables para esta época son o xarrete de tenreira estofado ou o ragut de vaca cachena con arroz.
Se o que estás a buscar é unha proposta para abrir boca e compartir, non podes deixar de probar o salteado de boletus á crema con lagostinos. E, se queres acompañalo doutro entrante irresistible, as croquetas caseiras de xamón con salsa de queixo son unhas das nosas preferidas.
E xa se falamos de sobremesas, a castaña, xunto co chocolate, é a grande estrela das nosas elaboracións. Recomendámosche o tiramisú de castañas ou o flan de castañas. Aínda que se queres outra sobremesa que inclúa unha froita de tempada, o queixo de Arzúa Ulloa con marmelo é para ti. E, iso si, non esquezas acompañamos dalgún dos nosos viños de sobremesa.
O outono de Santa Marta
As tixolas son un dos nosos pratos fortes para compartir e saborear en boa compañía. Por iso, neste outono non te podes perder a tixola de zamburiñas, champiñóns e algas ecolóxicas, aínda que a nosa ensalada de confit de pato con mazá e pera confitada nada ten que envexarlle. E, se queres probar algo diferente, recomendámosche conservas de A Conserveira como a tosta de Sardine Millesimé con tomate confitado.
Se o que che gusta é o doce, tes que probar, unha vez máis, o tiramisú de castañas ou o Queixo Arzúa-Ulla con marmelo pero tamén o brownie de chocolate con noces ou o cremoso de AOVE con chocolate de Cuzco e flor de sal.
Desde pratos quentes e reconfortantes ata sobremesas que conquistarán o voso paladar, estades convidados a descubrir a nosa interpretación única dos sabores outonais. As mesas están postas, as cadeiras agardan, e o outono está aquí para ser saboreado. Agardámosvos nas Bodeguillas de San Lázaro e Santa Marta.