Dende o martes día 22 e até o xoves día 24, o Hotel Monumento San Francisco recibirá os viños de máis de cento oitenta adegas nun evento que aglutinará a todo o sector vitivinícola de Galicia. O I Encontro do Viño Galego Revera Vinum, permitirá, ademais, desfrutar de distintas actividades paralelas por toda a cidade.
O sector vitivinícola de Galicia conta con máis de cento oitenta adegas e máis de cincocentos viños. Esta cita pretende dar a coñecer e difundir os diferentes viños galegos, tanto a locais como a turistas, así como ser un punto de encontro para as diferentes adegas, Denominación de Orixe e Indicación Xeográfica Protexida, que se reunirán todas elas por primeira vez nun evento destas características.
O encontro terá tres eixos principais. Por un lado, os talleres e catas que contarán coa participación de profesionais da sumillería e viticultura como Toni Gerez, Rafael Palacios, Eva Pizarro ou Juanjo Figueroa; no Túnel do viño, a área expositiva, terá máis de vinte e cinco stands de empresas distribuidoras e adegas e os visitantes poderán coñecer máis de trescentas referencias; e un foro, con varias mesas de debate nas que se falará sobre o futuro desta bebida.
O Túnel do Viño será unha oportunidade para coñecer todas as variedades de uva implantadas en Galicia e as súas características. O horario será de 11.00 a 14.00 horas e de 17.00 a 20.30 horas o martes e mércores. O xoves será so horario de mañá.
Rutas do Viño Revera Vinum Compostela
Dende o venres e ao longo de toda a vindeira semana, poderemos desfrutar das seis Rutas de Viño Revera Vinum Compostela: a de San Lázaro, Cidade Histórica, San Pedro-Porta do Camiño-Praza de Abastos, San Clemente-Franco, Santa Marta e Ensanche.
Nos estaremos na de San Lázaro e a de Santa Marta. Os usuarios poderán facerse cun tarxetón que vos selaremos por consumir un viño con DO ou IXP galega. Por cada ruta rematada, entrarán no sorteo de diferentes agasallos.
Os interesados en asistir ao encontro, poderán adquirir as súas entradas na Bodeguilla de Santa Marta ou na de San Lázaro.