O verán está comezando a deixarse ver e as rúas de Santiago cunha axenda cultural extensa. Xuño ofrece moito máis que a Noite de San Xoan e a cidade promete converterse no epicentro absoluto da cultura, a música e a festa en Galicia. Así que alá imos a facer un pequeno repaso dos plans cos que a cidade nos promete sorprender neste arranque de verán.
Compostela soará a todos os estilos musicais durante este mes. É así que se desfrutará de concertos tan variados como o da banda Municipal de Música de Santiago ou o de Andrés Suárez, o 4 de xuño; a Wake Up SDC, de música electrónica, do 5 ao 6 de xuño; a novena edición das NoitiNHas no Hotel NH Collection; ou a primeira edición de El Campus, o vindeiro 12 de xuño, que se presenta como o “maior evento universitario” que reunirá música en directo, DJs, food trucks, xogos e moito máis.
Aínda que o prato forte chega co festival O Son do Camiño. Durante os días 18, 19 e 20 de xuño, o anfiteatro natural do Monte do Gozo acollerá a milleiros de persoas nunha das citas musicais máis ambiciosas do país, que este ano combina estrelas internacionais do pop e o rock como Katy Perry e Linkin Park con directos nacionais de artistas como Dani Martín ou Lola Índigo.
Con motivo da celebración do Día Internacional do Orgullo o día 28 de xuño, a cidade vístese de gala dende mediados de mes para celebrar a diversidade con Compostela Diversa. Ao longo do mes realizaranse diferentes actividades e accións ca fin de converter Santiago de Compostela nun referente como cidade de acollida, dende concertos e localizacións emblemáticas iluminadas coas cores da bandeira ata establecementos que celebran a data con carteis, postais e mensaxes.
Porén, para aqueles que procuran unha experiencia festiva máis “de barrio”, as festas do barrio de Fontiñas e as de San Pedro, están á volta da esquina. As primeiras, do 12 ao 14 de xuño, contarán con Luis Zahera e Festicultores, así como pasarrúas cos muiñeiros do Sarela, Trío Alborada, a Banda Municipal de Compostela, Superfabrik ou a orquestra Compostela, entre outros. Do 25 ao 28 de xuño, será a quenda de San Pedro, cun amplo programa de actividades para todos os públicos e gustos.
As artes escénicas tamén teñen un oco destacado na axenda deste mes, con numerosas propostas das que desfrutar. Entre elas, atópanse “Chámalle Xe”, no Teatro Principal, do alumnado de Bacharelato de Artes Escénicas e Musicais do IES Antonio Fraguas; “A furia da Amanita”, no Salón Teatro e do Centro Dramático Galego en coproducción con Rendrum Dramaturgia; o show da humorista Susi Caramelo, no Teatro Compostela; ou a irreverente investigación escénica sobre a figura de Fraga, “Iribarne”, no Auditorio de Galicia.
Tamén hai oco para o deporte con actividades deportivas como o XII Circuíto de Carreiras Saudables CorreSan. Esta edición arranca no barrio de Conxo o sábado 6 de xuño e extenderase ata o outono. Xunto a esta proba, atopamos outra máis festiva, a Holi Gaiás. Inspirada nos Holi da India, está idadeada para desfrutar da actividade física cunha explosión de cores.
Iso si, despois de percorrer a cidade, bailar nos festivais ou deixarse levar polas tradicións dos seus barrios, as portas da Bodeguilla de San Lázaro e Santa Marta están abertas para acollervos e ser o punto de encontro onde repousar e saborear o día.