Logo XacobeoLogo Marca Galicia
Las Bodeguillas de Santiago de Compostela

Temas

O comercio local compostelán é arte

21/04/2022 · Las Bodeguillas

Pasearte é unha ollada á arte contemporánea a través do comercio local de Santiago de Compostela e, en concreto, do Ensanche. A Mostra de Arte Contemporánea nos escaparates de Santiago Centro arrancou súa cuarta edición a comezos de mes e, dende ese momento, vén marabillando aos transeúntes que se deteñen ante ante os establecementos composteláns.

O Centro Comercial Aberto do Ensanche recuperou nesta primavera unha das súas iniciativas máis atractivas integrando as creacións de artistas das galerías locais Trinta, Metro, Luisa Pita e Nordés. Además da exposición de arte en máis de corenta escaparates, tamén se está a disfrutar de intervencións en vivo nas cristaleiras e de obradoiros de arte para desfrutar do proceso de creación artística.


Os sábados é a quenda para os obradoiros impartidos por recoñecidos artistas e destinado a familias. Os encontros están a ter lugar na Praza Roxa e son de balde até completar aforo. Ademais disto, estase a desfrutar de visitas guiadas polas exposicións de arte nos escaparates, sendo a última delas o 27 de abril ás 19.00 horas. 

Ademais, poderanse desfrutar nas galerías de arte mencionadas, diferentes exposicións. Na de Luísa Pita estará dispoñible ata o 29 de abril a exposición “Senlleiras” de Juan Adrio; Trinta contará coa mostra de “Unción y anunciación del ser” de Daniel Verbís até o vindeiro 20 de maio; Nordés terá a exhibición “Un acto de balanceo” de Fuentesal Arenillas até o 3 de xuño; e, Metro, ate o 30 de abril, “Geografía de la memoria” de Pedro Muíño.

A iniciativa nas vidrieiras dos establecementos da zona nova continuará até o vindeiro sábado 30 de abril. Sen embargo, se queres facer un breve percorrido virtual, podes ollar os escaparetes neste enlace.

¡Compártelo!