Un dos eventos deportivos máis queridos e lonxevos de Compostela volve esta fin de semana ás rúas. A Carreira Pedestre Popular de Santiago alcanza a súa cuadraxésimo cuarta edición o domingo día 26 de outubro, a partires das 10.00 horas da mañá, cunha proba para rapaces de 7 quilómetros e, para adultos, cun percorrido que ascende aos 12 quilómetros.
A 46ª Carreira Pedestre Popular de Santiago, organizada polo medio El Correo Gallego, é alcumada a carreira máis bonita do mundo por un bo motivo: o seu trazado. A proba absoluta ten unha extensión de 12 quilómetros que atravesan boa parte do casco urbano, combinando tramos de subidas e baixadas esixentes, pero que tamén ofrecen vistas espectaculares do casco antigo de Santiago de Compostela.
A saída darase na avenida Xoán XXIII e chegará á Praza do Obradoiro. A carreira, que está incluída no calendario oficial da Federación Galega de Atletismo -o que significa que non só está destinada a corredores populares, senón tamén a atletas profesionais-, discorrerá por San Caetano, Camiño do Francés, Fontiñas, Concheiros, rúa de San Pedro, Porta do Camiño, rúa de Aller Ulloa, rúa da Virxe da Cerca, rúa da Ensinanza, Tránsito da Mercé, rúa da Fonte de San Antonio, Praza de Galicia, rúa Doutor Teixeiro, Praza do Doutor Puente Castro, rúa da Rosa, Santiago de Chile, Praza de Vigo, Rosalía de Castro, avenida da Coruña, avenida das Ciencias, avenida do Doutor Novoa Santos, avenida das Burgas, avenida de Compostela, Campo do Cruceiro do Galo, travesía do Cruceiro do Galo, rúa do Pombal, Galeras, rúa Morón, rúa das Salvadas, Vista Alegre, avenida do Burgo, costa de Vite, Praza da Paz, rúa da Pastoriza, rúa Basquiños, Santa Clara, San Roque, Algalia de Arriba, Praza de Cervantes, Preguntoiro, rúa do Castro, Praza da Universidade, Praza de Mazarelos, Cardenal Payá, Orfas, Toural, rúa do Vilar, Praza das Praterías, Fonseca e, finalmente, a Praza do Obradoiro.
Se es fan do deporte, sexas profesional ou amateur, aínda estás a tempo de inscribirte ata o martes 21 de outubro. E lembra que a Bodeguilla de San Lázaro e a Bodeguilla de Santa Marta están abertas para o teu almorzo antes da competición ou para repostar enerxía despois de participar na carreira máis bonita do mundo.