Logo Unión EuropeaLogo Calidad TurísticaLogo XacobeoLogo Marca Galicia
Las Bodeguillas de Santiago de Compostela

Santa Marta ponse ao mando: fai o teu pedido para take away ou delivery

Publicado: 15 de enero de 2021, 12:41
  1. Las Bodeguillas
Santa Marta ponse ao mando: fai o teu pedido para take away ou delivery

As medidas e restricións para combater e frear a expansión do virus obrígannos a adaptarnos unha vez máis. Desta volta, e tras anunciarvos que a Bodeguilla de San Roque se despide de todos vós tras trinta e cinco anos de bo comer e bo beber, será a máis pequena, a de Santa Marta, a que estará a cargo dos fogóns. Explicámosvos como funcionaremos até que, pouco a pouco, todo volva á normalidade.

Tralas medidas que entraron en vigor esta medianoite arrancamos con forza en Santa Marta e manteremos pechado San Lázaro. A partires de agora e ata novo aviso, prepararemos os nosos pratos para que poidades recollelo no local ou para entrega a domicilio a través da aplicación de hostalaría local Obvious Eat. Tamén nos podedes chamar no 981 813 520 para facer a vosa encarga. No establecemento non contamos con terraza, pero prepararemos cafés para levar para os vosos almorzos.

Estaremos abertos todos os días da semana. De luns a venres o horario será de 10.00 a 16.00 horas pola mañá e de 19.30 a 23.30 horas pola noite. As fins de semana a apertura será de 12.00 ata as 16.00 horas e de 19.30 a 23.30 horas. Como ben sabedes, o toque de queda comeza ás 22.00 horas, pero para os máis tardóns, poderedes facer o voso pedido para delivery, como xa mencionamos.

A carta de todos os pratos de Santa Marta está dispoñible na nosa web, para que poidades ir pensando que vos apetece pedir: arroces, parrillada, raxo, bacallau, ensaladas, sobremesas de infarto... Hai moreas de posibilidades!

Grazas por todo o apoio que nos mostrades nestes tempos tan difíciles para a hostalaría e por todo o cariño recibido tras anunciarvos o peche indefinido de San Roque. Saúde e sentidiño!

Noticias relacionadas

Respecto pola terra, tradición vitivinícola e procura da máxima expresión de cada viño 6 nov

Respecto pola terra, tradición vitivinícola e procura da máxima expresión de cada viño

06/11/2026 Las Bodeguillas
Esta semana tivemos o pracer de compartir con vós unha cata moi especial da man de Pariente Tradición Familiar, un proxecto que une tres adegas cunha mesma filosofía: o respecto pola terra, a tradición vitivinícola e a procura da máxima expresión de cada viño. Para descubrir estes viños e coñecer
Tres plans culturais que non te podes perder en Compostela 5 nov

Tres plans culturais que non te podes perder en Compostela

05/11/2026 Las Bodeguillas
Se vas a estar por Santiago de Compostela nestas vindeiras semanas, non te podes perder algúns dos eventos culturais máis soados do outono na cidade: Cineuropa, o Outono Códax Festival o Mercado da Arte. Cineuropa chega á súa 40ª edición, que se celebrará do 6 ao 22 de novembro, co mesmo obxectivo
Quinta Sardonia: natureza, identidade e expresión do terroir. 29 oct

Quinta Sardonia: natureza, identidade e expresión do terroir.

29/10/2026 Las Bodeguillas
Desde a nosa sala de catas da Bodeguilla de San Lázaro, presentamos unha nova experiencia arredor do viño. Nesta ocasión, gozamos dunha cata degustación de novas anadas e dunha cata vertical de viños de Bodegas Quinta Sardonia, adega fundada en 1998 en Sardón de Duero. Contamos coa presenza de
Existir é resistir: chega a Semana de Cine Euroárabe AMAL do 26 ao 30 de outubro 20 oct

Existir é resistir: chega a Semana de Cine Euroárabe AMAL do 26 ao 30 de outubro

20/10/2026 Las Bodeguillas
  A próxima semana, do 26 ao 30 de outubro, o Teatro Principal de Compostela acolle unha nova edición da Semana de Cine Euroárabe AMAL, organizada pola Fundación Araguaney-Puente de Culturas. Dende hai máis de vinte anos, o festival tende pontes entre Galicia e o mundo árabe a través do cine e da