Recibimos unha selección moi especial de viños do grupo Artevino, catro adegas con presenza nas catro denominacións de orixe máis prestixiosas: Rioja, Ribera del Duero, Toro e Rueda.
Para guiarnos nesta experiencia contamos coa presenza de Miguel Gavito, director nacional de vendas do grupo, que nos descubrirá a personalidade e a esencia de cada un dos viños seleccionados. Asistiron tamén Alberto Seoane, comercial do grupo Artevino, e Enrique Fandiño, distribuidor da marca en Santiago.
Artevino é un grupo cun proxecto moi claro: elaborar viños capaces de expresar a identidade de cada territorio, respectando a súa historia, a súa paisaxe e as súas variedades autóctonas.
BODEGAS IZADI | A esencia da Rioja Alavesa
Izadi nace da paixón pola gastronomía e da admiración por unha contorna única: o corazón da Rioja Alavesa.
Rodeada de viñedos vellos e asentada nunha das zonas máis privilexiadas da Rioja, a adega elabora viños equilibrados, elegantes e cheos de identidade.
A súa filosofía baséase no respecto máximo polo froito e pola terra, dando lugar a viños versátiles e con auténtica alma gastronómica.
FINCA VILLACRECES | A xoia escondida da Ribera del Duero
En plena Milla de Ouro da Ribera del Duero atópase unha das fincas máis exclusivas da denominación.
Rodeada por un bosque de piñeiros centenarios e situada nun meandro do río Duero, Villacreces goza dun ecosistema excepcional que marca a personalidade dos seus viños.
A súa historia remóntase ao século XIII, cando os monxes cistercienses xa cultivaban estas terras privilexiadas.
VETUS | Unha nova mirada a Toro
Vetus nace coa vontade de ir máis alá dos estereotipos.
Desde a súa finca de 20 hectáreas en Toro, a adega busca expresar o carácter máis auténtico das variedades autóctonas a través de viños frescos, accesibles e cheos de personalidade.
Respectando a terra e a tradición, Vetus aposta por unha interpretación contemporánea da viticultura da zona, demostrando que sempre hai novas formas de entender un gran territorio vitivinícola.